دارميات اتخبل

دم انتة كون تصير يمشي بوريدي
حتة من احن واشتاك بس اجرح ايدي

أدري ألعشگ مرات يصبح أذيه
بس حبك سكن بلروح غصبن عليه

هم وحزن وفراك وضوجة واذية
وينك حبيبي اتشوف كل هذا بية

جفــــي أعله بابك مات من كثر مادك
ومن كثر ما دكيــــــت كلب القفل طك

لجلك أصيــــــــرن باب ينفتح لوجيت
ولو من صدك مريـت كلي انكلب بيت

ربح وخسارة اهواي راوتني دنياي
بس شكثر ربحان من خوتج هاي



سر وبتلي من أحجيه ومن اسكت ايشيع
حصتي وعلي تنسام والشامت يبيع

وين البخت يفلان وتكولي مبخوت
صرت اشتغل دفان محد رضى يموت

زين البخت وياك واصل لهالحد
احفر كبر للمات كالوا عدل رد

يخطف خطف عالعين امنيتي صارت
واذبح نذر هالروح لو لحضه طالت

طلقات اسوي الروح ولفراكك احزن
وكلما احن واشتاك ارميلي مخــزن

سالني ملك الموت روحك شجاهة
كتلة حبيب الروح قبلك خذاها

جربت كلمن كال بالضيج الك عون
لمن لفاني الضيم صارولي فرعون.

غربة ودمع وفراك الزمن طبعة
بس الوفي للدوم ماينسة ربعة

علمتج تحبين مو جن طمستي
بس واحد يحبون مو عشرة يختي

وحق البسجن سموه وعافو عل جسر نعشه
اضل اهواك حد الموت حبيبي شكد الك وحشه