--------------------------------------------------------------------------------
للشاعرالمبدع ابومحمد المياحي
مايوم روض الوفى من الورود احمد
للمشى بخير وسعى واجب علية احمد
حبي وودادي لنبينا المصطفى احمد
دايم يضل متصل ياربي اشهد علي
خل يكصي بية الدهر ويزيد ضيمة علي
ماعوف حب الوصي وابقى بولاية علي
بستان حيدر زهة هاك انظر الزهرة
واللي يذبلي زهر ماهم أنة الزهرة
للموت اصيح بحزن مضلومة يالزهرة
حب الزكية عمل مايصح مثلة حسن
وعروق ماي الوفة من نهر ودهة حسن
عد يامرة منولد مثل الامام الحسن
الحنضل بودهم عسل يشفافي بي لحسين
بحب ال طه ارتقي من احسن الاحسين
هنيالة كلمن صبح خادم صدك لحسين
أليضدهم هلك لوعمرة ضل سجاد
لشيعتهم آنة فرشت جفن النظر سجاد
ومنك خذيت الصبر ياسيدي السجاد
بصبرالعليل أعترف وك يازمن باقر
عود ألصبح للعلم بين ألملأ باقر
ارسل سلامة النبي لمحمد ألباقر
اهل الذكر نهجهم اخذو علي صادق
مابيهم ابدآ زلل كل قولهم صادق
جعفري آنة وهلي وأمامي الصادق
خل يبردبشفرتة دهري ويحد موسى
عاشك وعقلي شرك جن العشك موسى
لحاجتك يامن ردت صد وجهك لموسى
كلمن قصد حظرتة بلخير رد والرضا
نسحك بعظم اليضد ونكسرة والرضا
بلكاظم آنة احلفت ياسامعي والرضا
ودهم لروحي درع بين المخاطر تقي
والبايع آل النبي محسوب هذا تقي
يامذهب امامهم كلي جواد وتقي
مذهب الشيعة صبح للغانمة هادي
عمري للشيعة نذر وبلا ثمن هادي
لعاشر انوار الهدى من فاطمة الهادي
عسكر بصدر الشعر ماينهزم عسكري
جند لبني فاطمة واكضي العمرعسكري
لمن يهل بالنصر ابنك يهل عسكري