ابوذيات منوعه..............

الدهر لاواني لاكن مالوانــــــي
وطفح صبري واحسن مالواني
الفرح مو مالي صدك مال اخواني
من حلكة همشته وجبتة ليـــــــــه
ــــــــــــــــــــــــــــــــــــــــــــــــــ ـــــــــــــــ
الفرح بجفاك صدك ما تمنة
رحت وانصب بعدك مأتم النة
التمنة انطاه ربك ما تمنــــــة
وانة اتمنيتك وما صرت اليه
ــــــــــــــــــــــــــــــــــــــــــــــــــ ـــــــــــــــــــ
وانه احبي غرامك لازماني
وعليك انفطم كالو لازم اني
لاانت ارحمتني ولا زماني
ولا يرحمني غيرك ترضه لية
ــــــــــــــــــــــــــــــــــــــــــــــــــ ــــــــــــــــــــــــ
جروحك بالكلب يدن بعدهن
هواي ومن اعد اغلط بعدهن
اثنين الوكت من عمري بعدهن
الفرح ومن التكي وياكم سوية
ــــــــــــــــــــــــــــــــــــــــــــــــــ ــــــــــــــــــــــــ
ردت افتك وخلص لكن شفتك
منك يالعبالك تين شفتـــــــــك
محد كلي بس بعيوني شفتك
تحط فوكي حطب والنار بيه
ــــــــــــــــــــــــــــــــــــــــــــــــــ ــــــــــــــــــــــــــــ