منتديات عيون الانبار
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


بيت كل العراقيين
 
الرئيسيةس .و .جبحـثالتسجيلدخول

شاطر | 
 

 ابوذيات جديده

اذهب الى الأسفل 
كاتب الموضوعرسالة
علي الحلفي
عيون فضية
عيون فضية
avatar

عدد الرسائل : 20
تاريخ التسجيل : 13/08/2009

مُساهمةموضوع: ابوذيات جديده   السبت أغسطس 22, 2009 12:55 am


يهل تسئل علصلي حلفي انا
واذا تنشد عن الحك حلفي انا
تره ليفاز بالطك حلفي انا
وخلي الناس تجمع سويه


الك رمش ولك حاجب ولك عين
طحت ياصاح كوم الحك ولك عين
هذا الماي مو ملكك ولك عين
حته براحتي اشرب بديه


انتي احله القصايد ورقه وحده
وردة ماردة منك ورقه وحده
بيه شكد مصايب ورقه وحده
هجرك علكلب وجفاك بيه


شريد اكتب عن جروحي شخط لك
ولو تدري بوسط روحي شخط لك
امس جن العقل لجلك شخط لك
اسألك هم تظن يرجع لوعيه


اريد احفض الك بالروح مشهد
وابد مايوم ابوحا بي مشهد
وحك ذيج مدينه على مشهد
احفضه بروحي بس ارضه عليه


امس زورق عشكنه مرسحبنه
وصبح ميناء كلبي مرسحبنه
لسمه تشرق شمسه تمر سحبنه
بس تبحر سفن كلبك عليه


الكلب وديته عدكم ماسئلكم
وبيدي نطيته امانه ماسئلكم
عيوني الصبح رمشي ماسئلكم
بس نشدو تره ضلمت عليه


عدي العشك افضحه ماأسكنه
وانت تكول كلبك ماأسكنه
وحك صيحت هذاكه ماأسكنه
ساكن هل كلب صبح ومسيه

امس رحنه بقضيت حب شهدنه
واذا تسئل شنو الهدنه شهدنه
هدت روحي جي طلعت شهدنه
وراح تفوت هلحلقه عليه

اذا تنشد شجه لروحي شهدهه
حته الورده هم كطعت شهدهه
لان فيحانه الحلوه وشهدهه
بس بالجمعه هي تمر علينه

امس هذه الكلب تدري شهدلك
ريد اصنع عسل صافي شهدلك
شهد متصير ابد لي شهدلك
لان انت الشعر والشعر هيه

علي الحلفي
الرجوع الى أعلى الصفحة اذهب الى الأسفل
حلوات الانبار
نائب مدير
avatar

انثى
عدد الرسائل : 52
المزاج : جيد
تاريخ التسجيل : 20/09/2008

مُساهمةموضوع: رد: ابوذيات جديده   الثلاثاء أغسطس 25, 2009 1:23 pm

الك رمش ولك حاجب ولك عين
طحت ياصاح كوم الحك ولك عين
هذا الماي مو ملكك ولك عين
حته براحتي اشرب بديه

الله الله الله عاشت ايدك
الرجوع الى أعلى الصفحة اذهب الى الأسفل
علي الحلفي
عيون فضية
عيون فضية
avatar

عدد الرسائل : 20
تاريخ التسجيل : 13/08/2009

مُساهمةموضوع: رد: ابوذيات جديده   الثلاثاء أغسطس 25, 2009 7:11 pm

مشكوره باسنفوره على هذا المرور الجميل
الرجوع الى أعلى الصفحة اذهب الى الأسفل
 
ابوذيات جديده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عيون الانبار :: منتديات الادب والتاريخ :: منتدى الابوذية-
انتقل الى: