منتديات عيون الانبار
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


بيت كل العراقيين
 
الرئيسيةس .و .جبحـثالتسجيلدخول

شاطر | 
 

 بوذيات مو طبيعية نشاء الله تعجبكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشعباني
نائب مدير
avatar

ذكر
عدد الرسائل : 81
الموقع : http://dddd.3oloum.org/index.htm
العمل/الترفيه : طالب جامعي
تاريخ التسجيل : 04/04/2009

بطاقة الشخصية
رمي النرط: 1

مُساهمةموضوع: بوذيات مو طبيعية نشاء الله تعجبكم   الخميس يوليو 23, 2009 6:47 am

حمامة الفرت من إيدي و لاجت
و عليها الروح تتعذب ولاجت
من أمس لليوم لاحطت ولا جت
ولا إلها جدم بأرض الوطية
****************************
أريد أعبر بحر دمعي وفية
و عليج أقطع ألف فيه وفية
بشمس حبكّ آنة معذب و فية
و ماعندج وفى وإسمج وفية
****************************
عقلي ياترف حبك وجن بك
من الجوري يامحبوبي وجن بك
إجيت إنت على وعدك و جن بك
لـيـالي الفرح وأيامي الزهية
******************************
وحك البلمهد ربه وحاله
الدنيا وياي للهام وحاله
صديقي الهد علي چلبه وحاله
الچلب رد وصديقي انهد علبه
*********************************
اشفنا من عمرنا وشفتهمن وهمنا
هل الكبالك شفته همنا
ذبحنا وماتهمنا شوتهمنه
ايكلهم بالذبح تعبولي ايديه
*******************************
گضن ايامنه يبن اامي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه
**********************************
اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه.
*****************************.
افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه
الرجوع الى أعلى الصفحة اذهب الى الأسفل
علي الحلفي
عيون فضية
عيون فضية
avatar

عدد الرسائل : 20
تاريخ التسجيل : 13/08/2009

مُساهمةموضوع: رد: بوذيات مو طبيعية نشاء الله تعجبكم   الجمعة أغسطس 28, 2009 3:41 am

ابوذيات روعه
الرجوع الى أعلى الصفحة اذهب الى الأسفل
الشعباني
نائب مدير
avatar

ذكر
عدد الرسائل : 81
الموقع : http://dddd.3oloum.org/index.htm
العمل/الترفيه : طالب جامعي
تاريخ التسجيل : 04/04/2009

بطاقة الشخصية
رمي النرط: 1

مُساهمةموضوع: رد: بوذيات مو طبيعية نشاء الله تعجبكم   الأربعاء سبتمبر 02, 2009 7:53 am

عليك الحال ما ظل حال بعدك
وعليك الدمع خالص نزف بعدك
اجاني الموت وانت بهجر بعدك
تحب الموت اظن انت اليـــــه



سجاجينك بنص حشاي / لاحن
وعزف عود بدليلي الـــــك / لاحن
شنو گلبك صخـر .؟ لا سئل / لاحن
وانه كلبي نترس ضيم واذيـــه



يدهري الكَــــــلب ايس مره مني
وكَصني إسهام هجرك من رمني
أكَول السبــــــــــب منك مره مني
وحرت ياهو سبب هالصار بيه



مهموم الكَلب بي جرح بي داي
واتيهن لو مشيت باثـــر بيداي
من اوصل البابك وادكَ بيداي
احس الباب هوه ايدكَ عليه



قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه



مفارك والليالي سنين مرن
علي صاير لذيذ الزاد مرن
طفر قلبي على النقال من رن
لأن حسيت روحي تدك عليه



احبك حب ما ينكتب وصفه
وعليك القلب مثل الذهب واصفه
عليمن يكتب الدكتور وصفه
اذا خدك والشفايف صيدليه



حذاري لاتبيع الغير سرك
ولاتتبع حچي الجذاب سرك
رفيجك لو اجاك ويوم سرك
على سره تحافظ للمنيه



عتب وكتاب الك دزيت ...وصلك
بنزاع الموت وانه انتضر...وصلك
اسب امك وابوك وهلك ...وصلك
بسبب چي حرمو شوفك عليه



اريد افرمت قلبي والغي رامـــه
واشيل العشك منه والغي رامـــه
عليك انت المخطط والغرامـــــه
لان حسنك كسر غفله عليه



تگلي بعد ما ريدك ولا ابيك
هاي اطباع مو منك ولا بيك
انا ما لوم والدتـك ولا ابــيك
الوم الوكـت الجابـك عليـة



حـبـك بـالـگـلـب مـكتـوب مـا طاش
و تـگـلـي شـبـابـي عليـك مـا طـاش
صرت بيدك مسلسل طاش ما طاش
تــبـچـيـنـي وتـضـحـكــنـي سـويــة


هجرك ياولف صاير بلا حد
مثل سيف اليكص ركبة بلا حد
وگلتلي انتظري ارجعلچ بلأحد
اجه الاحد ويمته تعود اليه



احد سچين صبري وچن ولاحد
التفتت وماشفت ربعي ولاحد
وچم سبت اليمر بيه والاحد
اجي بس شوفتچ تصعب عليه
الرجوع الى أعلى الصفحة اذهب الى الأسفل
الشعباني
نائب مدير
avatar

ذكر
عدد الرسائل : 81
الموقع : http://dddd.3oloum.org/index.htm
العمل/الترفيه : طالب جامعي
تاريخ التسجيل : 04/04/2009

بطاقة الشخصية
رمي النرط: 1

مُساهمةموضوع: رد: بوذيات مو طبيعية نشاء الله تعجبكم   الأربعاء سبتمبر 02, 2009 7:55 am

ألف وسفه الدهر عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
وانته القلب والروح والريه



حبيبي يلغبت عني ولنساك
وحطك بلكلب يمي ولنساك
وحبك ياظوى عيوني ولنساك
وذكرك كل صبح او مسيه



تغـــيب الروح بغيابك و اردها
و كتاب الشوق يا مدلل وردها
وروحي بفرقـــتك يذبل وردها
ماي انت وترد الـــــروح إليه



ابتلت روحي و لا يخلص بلاها
و بمحــــبتك ينتــهي قلبي بلاها
بعـــذابك يا حـــلو ربـــك بلاها
و تضل تنوح كل صبح و مسيه



أحبابي اشلـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه



مرة اصفن علـيكم مرة سايل
مرة الدمع ناشــف مرة سايل





ليش الغدر جسمك منتشر بيه
وكلبي لاتكل صافي منته شر بيه
طرف صبعك حبيبي من تشر بيه
كره واحقاد امطاره عليه



شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه



شبده مني وتركت بساع ودك
ولو ادري بعذاب الگلب ودك
اعتب عالزمان اللي عَلَيّ وداك
اختارك وكح حتى تخون بيه



اكتبلي شما اردت تكتب واردلك
بساتين بوسط گلبي ورد .لك
اروح وابتعد وازعل واردلك
لأن الگلب بيدك مو بديـــه



گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه
الرجوع الى أعلى الصفحة اذهب الى الأسفل
Admin
المدير
المدير
avatar

ذكر
عدد الرسائل : 54
تاريخ التسجيل : 30/06/2008

مُساهمةموضوع: رد: بوذيات مو طبيعية نشاء الله تعجبكم   الأربعاء سبتمبر 02, 2009 6:46 pm

ابوذيات في غاية الروعة
عاشت ايدك
تحياتي الك ياروعة
الرجوع الى أعلى الصفحة اذهب الى الأسفل
http://alanbar.yoo7.com
علي الحلفي
عيون فضية
عيون فضية
avatar

عدد الرسائل : 20
تاريخ التسجيل : 13/08/2009

مُساهمةموضوع: رد: بوذيات مو طبيعية نشاء الله تعجبكم   الجمعة سبتمبر 04, 2009 2:16 am

ابوذيات روعه وانتقاء اروع
الرجوع الى أعلى الصفحة اذهب الى الأسفل
الشعباني
نائب مدير
avatar

ذكر
عدد الرسائل : 81
الموقع : http://dddd.3oloum.org/index.htm
العمل/الترفيه : طالب جامعي
تاريخ التسجيل : 04/04/2009

بطاقة الشخصية
رمي النرط: 1

مُساهمةموضوع: رد: بوذيات مو طبيعية نشاء الله تعجبكم   الأحد سبتمبر 06, 2009 6:07 am


























الرجوع الى أعلى الصفحة اذهب الى الأسفل
 
بوذيات مو طبيعية نشاء الله تعجبكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عيون الانبار :: منتديات الادب والتاريخ :: منتدى الابوذية-
انتقل الى: